+(1).jpg)
அரசாங்கம் இதற்கு செவிசாய்க்காவிட்டால் நாடு முழுவதும் தொடர் வேலைநிறுத்தப் போராட்டங்கள் வெடிக்குமென்றும் அவர் எச்சரிக்கை
விடுத்தார்.
கொழும்பு கொம்பனித்தெரு நிப்பொன் ஹோட்டலில் நேற்று திங்கட்கிழமை நடைபெற்ற இலங்கை மின்சார சபை இணைந்த தொழிற்சங்க முன்னணியின் ஊடகவியலாளர் மாநாட்டில் உரையாற்றும் போதே அதன் ஏற்பாட்டாளர் ரஞ்சன் ஜயலால் இவ்வாறு தெரிவித்தார்.
இங்கு அவர் தொடர்ந்து உரையாற்றுகையில்,
2012ம் ஆண்டு நூற்றுக்கு 45 வீதம் சம்பள உயர்வு கோரினோம். ஆனால், அரசாங்கம் 25 வீத உயர்வை வழங்கியது. எஞ்சிய அதிகரிப்பை 1 வருடத்திற்குள் வழங்குவதாக உறுதி வழங்கியும் இதுவரையில் எதுவும் வழங்கப்படவில்லை.
அதேபோன்று சம்பள முரண்பாடுகளை நீக்குவதற்கும் எதுவிதமான நடவடிக்கைகளும் எடுக்கப்படவில்லை. இதற்காக ஒரு குழு நியமிக்கப்பட்டது. அது திருடனின் தாயாரிடம் சாஸ்திரம் கேட்கும் குழுவாகவே அமைந்தது. அதன் பரிந்துரைகளை எமது தொழிற்சங்கங்கள் முழுமையாக நிராகரித்தன.
2015ம் ஆண்டில் திருத்தப்படும் சம்பள உயர்வோடு சம்பள முரண்பாட்டுக்கும் தீர்வை ஏற்படுத்தி அது தொடர்பாக தொழிற்சங்கங்களும் உடன்படிக்கை செய்து கொள்ளப்படும் என தெரிவிக்கப்பட்டது.
2015ஆம் ஆண்டிற்கு முன்பதாக எமது சம்பள முரண்பாடுகள் நீக்கப்பட வேண்டும். தற்போது தனியார் நிறுவனமொன்றூடாக 4000 பேரின் சேவை மின்சார சபைக்கு பெற்றுக் கொள்ளப்படுகிறது.
பல வருடங்களாக சேவை செய்யும் இவர்களுக்கு நிரந்தர நியமனம் வழங்கப்பட வேண்டும்.
மின்சார சபை இன்று அரசியல்வாதிகளின் கூடாரமாகிவிட்டது. அனைத்திலும் அரசியல் தலையீடுகளை தலைதூக்கியுள்ளன.
பதவியுயர்வுகளிலும் இதே நிலையேதான். இட மாற்றங்களிலும் அரசியல் தலையீடுகள் தலைதூக்கியுள்ளன.
மின் உற்பத்தி நிலையங்களை அதிக உற்பத்தி திறனுக்கான நிறுவனங்களுக்கு ஒப்படைக்கின்றோம் என்ற பெயரில் வெளிநாட்டு கம்பனிகளுக்கு விற்பனை செய்வதற்கான உடன்படிக்கைகள் செய்து கொள்ளப்படுகின்றன.
இவ்வாறு இலங்கையின் தேசிய மக்கள் சொத்தான மின்சார சபையை தனியார் கம்பனிகளுக்கு விற்றுத் தீர்க்கும் திட்டங்கள் முன்னெடுக்கப்படுகின்றன. மின்சார சபையில் தொழில் புரிந்து ஓய்வு பெற்ற ஊழியர்களின் பிள்ளைகளுக்கு தொழில் வாய்ப்புகளை வழங்குவதில் முன்னுரிமை வழங்காது.
அமைச்சரின் இரத்தினபுரி மாவட்டத்திற்கு அதிகளவில் தொழில்வாய்ப்புகள் வழங்கப்படுகின்றன. இவையனைத்தையும் எதிர்த்தே நாளை கொழும்பில் மாபெரும் போராட்டத்தை நடத்துகிறோம்.
இதற்கு அரசாங்கம் செவிசாய்க்காவிட்டால் அனைத்து சங்கங்களும் இணைந்து கொழும்பில் மாபெரும் மாநாட்டை நடத்தி நாடு தழுவிய ரீதியில் தொடர் போராட்டங்களை நடத்தும் தீர்மானத்தை எடுக்கவுள்ளோம். பொறுமைக்கும் எல்லையுண்டு. இன்று அந்த எல்லை தாண்டிவிட்டது.
இனி எமது போராட்டங்கள் கடுமையாக இருக்கும் என்றும் ரஞ்சன் ஜயலால் தெரிவித்தார். இந்த ஊடகவியலாளர் மாநாட்டில் பல தொழிற்சங்க பிரமுகர்கள் கலந்து கொண்டனர்.
கருத்துகள் இல்லை:
கருத்துரையிடுக