ஐ.தே.கட்சி மட்டு முகாமையாளரின் இல்லம் மீது கைக்குண்டு தாக்குதல் !

ஐக்கிய தேசியக் கட்சியின் மட்டக்களப்பு மாவட்ட முகாமையாளர் அரசரட்னம் சந்திரனின் இல்லம் மீது நேற்று இரவு இனந்தெரியாத நபர்கள் தாக்குதல் நடத்தியுள்ளனர். மட்டக்களப்பு நகரிலுள்ள அவரது இல்லம் மீது நடத்தப்பட்ட இத்தாக்குதலின்போது அவரும் அவரது குடும்பத்தினரும் அங்கு தங்கியிருந்தனர் சம்பவத்தின் போது பாதுகாப்பு கடமையிலிருந்த பொலிஸார் துப்பாக்கிவேட்டுகளை தீர்த்த போதிலும் சந்தேகநபர் தப்பியோடி விட்டார் கடந்த வெள்ளிக்கிழமை ஐக்கிய தேசியக் கட்சியின் துணைத் தலைவர் கருஜயசூரிய மட்டக்களப்புக்கு விஜயம் மேற்கொண்டு அரசரட்ணம் சசிதரனின் இல்லத்தில் கட்சி பிரமுகர்கள் சந்திப்பொன்றில் உரையாற்றினார் என்பது குறிப்பிடதக்கது. ஜனாதிபதித் தேர்தல் அறிவிப்பு வெளியான பின் கிழக்கு மாகாணத்தில் இடம்பெற்றுள்ள முதலாவது தேர்தல் வன்முறை இதுவாகும். எனவும் தெரிவிக்கப்படுகிறது.