இரு கனேடிய பாராளுமன்ற உறுப்பினர்களுக்கு விசா மறுப்பு

இலங்கைக்குச் செல்ல முற்பட்ட 2 கனேடிய நாடாளுமன்ற உறுப்பினர்களுக்க விஸா வழங்க தூதரகம் மறுத்திருப்பதாகச் செய்திகள் வெளியகியுள்ளன மேற்படி கனடாவில் கான்சர்வேட்டிவ் கட்சியின் பாராளுமன்ற உறுப்பினர்களான பற்றிக் பிரவுன் மற்றும் போல் கலன்ரிரா ஆகிய இருவருக்கும் விஸா மறுக்கப்பட்டுள்ளது. இவர்கள் இருவரின் விஸா விண்ணப்பங்கள் ஏன் மறுக்கப்பட்டது? என்ற காரணத்தை இலங்கை தூதரகம் இன்னமும் தெரிவிக்கவில்லை இதுதொடர்பில் கனடா அரசாங்கம் ஊடாக நடவடிக்கை எடுக்க இரு எம்பிக்களுக்கும் அழுத்தம் கொடுத்துள்ளனர் இதுகுறித்து தமக்கு விளக்கமளிக்குமாறு கனடா அரசானது இலங்கை தூதரகத்தை கோரவுள்ளதாக கனேடிய செய்திகள் தெரிவிக்கின்றன. அத்துடன் சிலமாதங்களுக்கு முன்னர் கனடாவில் இருந்து இலங்கை சென்றிருந்த மற்றுமொரு எம்பி கட்டுநாயக்கா விமான நிலையத்தில் தடுத்து வைக்கப்பட்டு சில மணிநேரத்தின் பின்னர் திருப்பி அனுப்பப்பட்டார் என்பது குறிப்பிடதக்கது.