பல பெண்களை ஏமாற்றி தங்க நகைகளை கொள்ளையிட்ட இளைஞன் வௌ்ளவத்தை பொலிஸாரால் கைது செய்யப்பட்டுள்ளார்.
பொகவந்தலாவ, கிளானி தோட்டத்தைச் சேர்ந்த 25 வயதான ஜெயராமன் புவனேஸ்வரன் என்ற இளைஞனே இவ்வாறு கைது செய்யப்பட்டுள்ளார்.
திருமணம் செய்து கொள்வதாக பல பெண்களிடம் வாக்குறுதியளித்து, அவர்களிடமிருந்து தங்க நகைகளை பெற்றுக் கொண்டு இந்நபர் தலைமறைவாகியுள்ளார்.
கடந்த மூன்று மாதங்களாக திம்புலப்பத்தன பொலிஸ் பிரிவுக்குட்பட்ட குயின்ஸ்பரி தோட்டத்தில் இந்நபர் பல பெண்களை ஏமாற்றியுள்ளதாக முறைப்பாடு செய்யப்பட்டுள்ளது.
இந்நிலையில் சந்தேகநபர் இன்று (31.05) காலை வௌ்ளவத்தை பொலிஸாரால் கைது செய்யப்பட்டுள்ளார்.
சந்தேகநபர் கண்டி, நுவரெலியா, தலவாக்கலை, பொகவந்தலாவை, மட்டக்களப்பு உள்ளிட்ட பிரதேசங்களைச் சேர்ந்த பெண்களை ஏமாற்றியுள்ளார்.
கருத்துகள் இல்லை:
கருத்துரையிடுக