செங்கலடி மக்களுக்கு 11 லட்சம் ருபாய் வாழ்வாதார உதவி..!

யுத்தத்தால் பாதிக்கப்பட்டு மீள்குடியமர்த்தப்பட்ட ஏறாவூர்பற்று செங்கலடி பிரதேச மக்களுக்கு 11 இலட்சம் பெறுமதியான வாழ்வாதார உதவி வழங்கப்பட்டுள்ளது. ஏறாவூர்பற்று செங்கலடி பிரதேச செயலகப்பிரிவின் ஈரளக்குளம் கிராமசேவககர் பிரவில் இலுக்குப்பொத்தானை, முத்தன்குமாரவெளி, விளான்தோட்டம் ஆகிய கிராமங்களில் கரித்தாஸ் எகெட் நிறுவனத்தால் வீடுகள் வழங்க தெரிவுசெய்யப்பட்ட 45 பயனாளிகளுக்கு வாழ்வாதார உதவிகளை வழங்கும் செயற்திட்டத்தில் முதலில் 31 குடும்பங்களுக்கான வாழ்வாதர உதவிகள் வழங்கப்பட்டன. இந்நிகழ்வானது இன்று இலுக்குபொத்தானை கிராமத்தில் உத்தியோகபூர்வமாக இடம்பெற்றது. இதில் நிறுவன இயக்குனர் அருட்பணி பேராசிரியர் த. சிறீதரன் சில்வெஸ்ரர் கால்நடைகளை (ஆடு,மாடு) கொள்வனவு செய்வதற்கான காசோலைகள் பயனாளிகளுக்கு கையளிக்கப்பட்டது. நிறுவக நிகழ்ச்சி திட்ட ஒருங்கிணைப்பாளர் எஸ்.ஓ ஜெயானந்தன், நிதிமுகாமையாளர் பி. புண்ணியமூர்த்தி, மற்றும் உத்தியோகஸ்தர்கள் கலந்துகொண்டு ஏனையவர்களுக்கு வழங்கி வைத்துள்ளனர். ஒவ்வொரு பயனாளிகளுக்கும் ரூபா. 34,000.00வீதம் மொத்தமாக 10லட்சத்து அறுபத்து நான்கு ஆயிரம் ரூபா வழங்கி வைக்கப்பட்டது.