நடிப்புக்கு முக்கியத்துவம் : ஸ்ரேயா..!!

நடிப்புக்கு முக்கியத்துவம் உள்ள கேரக்டரில் நடிக்க ஆர்வமாக இருக்கிறேன் என்றார் ஸ்ரேயா. தெலுங்கு படப்பிடிப்புக்காக சுவிட்சர்லாந்தில் இருக்கிறார் ஸ்ரேயா. அவர் கூறியதாவது: தமிழில் ‘கந்தசாமி’ படத்துக்கு பிறகு, ‘குட்டி’, ‘ஜக்குபாய்’ படங்கள் திரைக்கு வந்தன. இரண்டிலுமே மாறுபட்ட கதாபாத்திரம். இதையடுத்து தெலுங்கில் ரவிதேஜாவின் ‘டான் சீனு’ படத்திலும், தமிழில் ‘சிக்கு புக்கு’விலும் நடித்து வருகிறேன். இந்த இரண்டு படங்களின் ஷூட்டிங்கும் சுவிட்சர்லாந்தில் நடக்கிறது. அதில் பங்கேற்க கடந்த மாதம் சுவிஸ் புறப்பட்டேன். ‘சிக்கு புக்கு’ ஷூட்டிங்கை முடித்துவிட்டு தற்போது ‘டான் சீனு’ ஷூட்டிங்கில் நடித்து வருகிறேன். மேலும் இந்தியில் தீபா மேத்தாவின் ‘வாட்ஸ் குக்கிங்’ படத்தையும் முடித்துவிட்டேன். இம்மாதம் இறுதி வாரத்தில் சென்னை திரும்புகிறேன். இப்போதைக்கு புதிய படங்கள் எதையும் ஒப்புக்கொள்ளவில்லை. கமர்சியல் படங்களில் கிளாமர் வேடங்களில் அதிகமாக நடித்துவிட்டேன். இனிவரும் படங்களில் நடிப்புக்கு முக்கியத்துவம் இருக்கும் வேடங்களாக தேர்வு செய்து நடிக்க உள்ளேன். அதற்காக காத்திருக்கிறேன். இவ்வாறு ஸ்ரேயா கூறினார்