பிரபல பாதாள உலகக் கோஷ்டியின் தலைவர் தெமட்டகொட கமால் சுட்டுக்கொலை..!

பிரபல பாதாள உலகக் கோஷ்டியின் தலைவரும் போதைப்பொருள் கடத்தல்காரருமான தெமட்டகொட கமால் என்பவர் செவ்வாய்க்கிழமை இரவு பொலிஸாரின் துப்பாக்கிச் சூட்டுக்கு இலக்காகி மரணமானார். ஹங்வெல்ல பொலிஸார் இவரை செவ்வாய்க்கிழமை மாலை கைதுசெய்திருந்தனர். பொலிஸார் மேற்கொண்ட விசாரணையில் இவர் மறைத்து வைத்திருந்தஆயுதங்களையும் போதைப்பொருளையும் கைப்பற்றுவதற்காகப் பொலிஸாருடன் இவர் கூடச்சென்றார். இவர் குறிப்பிட்ட இடத்திற்குச் சென்றதும் மறைத்து வைத்திருந்த கைக்குண்டை எடுத்து பொலிஸாரை நோக்கி வீசித்தாக்க முயன்றதாகவும் இதன்போது பொலிஸார் தமது தற்பாதுகாப்புக்காகத் துப்பாக்கிப் பிரயோகம் செய்ததாகவும் இதனால் அவர் உயிரிழந்ததாகவும் பொலிஸார் தெரிவித்துள்ளனர். இவர் பல்வேறு கொலைகள், போதைப்பொருள் கடத்தல் தொடர்பாக நீண்டகாலமாகத் தேடப்பட்டு வந்தவர் எனவும் பொலிஸார் தெரிவித்துள்ளனர். பொலிஸாருக்குக் கிடைத்த தகவலையடுத்து இவர் ஹங்வெல்ல பகுதியில் வைத்து கைத்துப்பாக்கியுடன் செவ்வாய்க்கிழமை கைது செய்யப்பட்டிருந்தமை குறிப்பிடத்தக்கது.