வலம்புரி பத்திரிகைச் செய்தியைக் கண்டித்து யாழ்ப்பாணத்தில் முஸ்லிம் வர்த்தகர்கள் ஆர்ப்பாட்டம்..!!

யாழ்ப்பாணம் ஐந்து சந்திப் பகுதியில் அந்துள்ள கொத்துரொட்டிக் கடையொன்றில் நாய் இறைச்சி கண்டுபிடிக்கப்பட்டதாக செய்தியினை வெளியிட்டிருந்த வலம்புரி பத்திரிகை முஸ்லிம் வர்த்தகர்ளால் தீயிட்டுக் கொளுத்தப்பட்டுள்ளது. இன்று யாழ்;ப்பாணத்தில் வெளிவந்த வலம்புரி பத்திரிகையில் ஐந்துசந்தியில் உள்ள முஸ்லிம் கொத்துரொட்டிக் கடையில் நாய் இறைச்சி கண்டுபிடிக்கப்பட்டதாக செய்தி வெளியிடப்பட்டிருந்தது. இதனையடுத்து யாழ் நகர்ப் பகுதியில் திரண்ட நூற்றுக்கும் மேற்பட்ட முஸ்லிம் வர்த்தகர்கள், வலம்புரி பத்திரிகைக்கு எதிரான பதாதைகளை ஏந்தியவாறு ஆர்ப்பாட்டத்தில் ஈடுபட்டதோடு, வலம்புரி பத்திரிகைகளை தீயிட்டுக் கொளுத்தியுமுள்ளனர். இது தொடர்பாக முகமதியா ஜும்மா பள்ளிவாசல் நிர்வாகிகளால் இன்றையதினம் அறிக்கையொன்றும் வெளியிடப்பட்டுள்ளதாக தெரிவிக்கப்படுகின்றது.