தமிழ்த் தேசிய மக்கள் முன்னணியின் கிளிநொச்சி மாவட்ட அமைப்பாளர் கைது.....!!!!

கிளிநொச்சி, பரந்தன் பகுதியில் 23.05 அன்று  இரவு 10.20 மணியளவில் பயங்கரவாதத் தடுப்புப் பிரிவு பொலிஸாரால் ஒருவர் கைது செய்யப்பட்டுள்ளார். தமிழ்த் தேசிய மக்கள் முன்னணியின் கிளிநொச்சி மாவட்ட அமைப்பாளரான தங்கவேல் ஜெகதீஸ்வரன் என்பவரே கைது செய்யப்பட்டுள்ளார். இவர் கைதுசெய்யப்படுவதற்கான காரணங்கள் எவையும் தெரிவிக்கப்படவில்லை. பரவிப்பாஞ்சான் உள்ளிட்ட கிளிநொச்சி மாவட்டத்தில் இன்னமும் மீள் குடியமர்வுக்கு அனுமதிக்கப்படாத இடங்களில் மீள் குடியமர அனுமதிக்க வேண்டுமென வலியுறுத்தி தமிழ்த் தேசிய மக்கள் முன்னணியின் ஏற்பாட்டில்
எதிர்வரும் திங்கட்கிழமை கவனயீர்ப்புப் போராட்டம் ஒன்றை நடத்தப் போவதாக இவர் ஊடகங்களுக்கு அறிவித்திருந்த நிலையில், இன்று இரவு கைது செய்யப்பட்டுள்ளார்.