அந்த விழாவில் பங்கேற்பதற்காகதான் அயல் நாட்டுத் தலைவர்களுக்கு அழைப்பு அனுப்பப்பட்டுள்ளது. இதுவொரு வெற்றிக் கொண்டாட்ட நிகழ்ச்சியாகும். அண்டை நாடுகளுடனான நல்லுறவை வலுப்படுத்த வேண்டுமென்றதற்காக அந்நாட்டுத் தலைவர்கள் அழைக்கப்பட்டுள்ளனர்.
இந்த மகிழ்ச்சிகரமான தருணத்தில், அவர்கள் நிச்சயம் பங்கேற்பார்கள் என்று எதிர்பார்க்கிறோம். இந்த அடிப்படையில்தான் ராஜபக்ஷவுக்கும் அழைப்பு அனுப்பப்பட்டுள்ளது. இதை தமிழகக் கட்சிகள் புரிந்து கொள்வார்கள் என்று நம்புகிறேன்' என்றார். இந்த விவகாரம் தொடர்பாக பாஜக செய்தித்தொடர்பாளர் பிரகாஷ் ஜாவடேகர் கூறுகையில், "முன்னாள் பிரதமர் வாஜ்பாய் அண்டை நாட்டுத் தலைவர்களுடன் நல்லுறவை கடைப்பிடித்து வந்தார். அதை தற்போது மோடி பின்பற்றுகிறார்' என்று தெரிவித்தார். பாஜக மூத்த தலைவர் வெங்கய்ய நாயுடு கூறுகையில், "நாட்டின் நலன் கருதி அண்டை நாடுகளின் நல்லுறவை இந்தியா வளர்த்து வருகிறது. அதனால்தான் பாகிஸ்தான் பிரதமர் நவாஸ் ஷெரீஃபுக்கும் அழைப்பு விடுக்கப்பட்டுள்ளது' என்று கூறினார்.
கருத்துகள் இல்லை:
கருத்துரையிடுக