முள்ளிவாய்க்கால் பகுதியிலிருந்து இரண்டு ராடர்கள் மீட்பு.. !

முல்லைத்தீவு வெள்ளைமுள்ளிவாய்க்கால் பகுதியில் வைத்து இரண்டு ராடர் இயந்திரங்களை பொலீசார் மீட்டுள்ளனர். இந்த ராடர் இயந்திரங்கள் புலிகளால் மறைத்து வைக்கப்பட்டிருந்த நிலையில் மீட்கப்பட்டுள்ளதாகவும், இந்த ராடர் இயந்திரங்கள் ஜப்பானில் உற்பத்தி செய்யப்பட்டவையென்றும் பொலீசார் மேலும் தெரிவித்துள்ளனர். இந்த ராடர்கள் சுமார் 80மில்லியன் ரூபாய் பெறுமதி வாய்ந்தவை என்று தெரிவித்துள்ள பொலீசார், கடற்படையினரை உளவுபார்க்கவே இவை பயன்படுத்தப்பட்டிருப்பதாகவும் குறிப்பிட்டுள்ளனர். ராடர்கள் மீட்கப்பட்ட பகுதியில் தொடர்ந்தும் தேடுதல் நடவடிக்கைகளை படையினரும், பொலீசாரும் இணைந்து மேற்கொண்டு வருவதாக கூறப்பட்டுள்ளது.