இலங்கையினுள் தேசிய இணக்கப்பாடு ஒன்றை ஏற்படுத்துதல் மற்றும் மீளக்கட்டியெழுப்பும் நடவடிக்கைகளின் பொருட்டு தமது நுட்பத்தையும் வளங்களையும் பயன்படுத்துமாறு அமெரிக்காவிலுள்ள இலங்கையர்களிடம் கோரிக்கை விடுக்கப்பட்டுள்ளது. ஐக்கிய அமெரிக்காவின் பிரதி இராஜாங்கச் செயலார் றொபேர்ட் ஒ பிளெக் இக்கோரிக்கையினை விடுத்துள்ளார். அமெரிக்காவில் வசிக்கின்ற இலங்கையர்களை நேற்று சந்தித்துக் கலந்துரையாடியபோதே அவர் இந்தக் கோரிக்கையை விடுத்துள்ளார். நீண்டகால சமாதானத்தின் பொருட்டு இலங்கை அரசாங்கம் சட்ட ஒழுங்கு மற்றும் அரசியல் இணக்கப்பாடு என்பவற்றை விரிவுபடுத்த வேண்டுமென அவர் கேட்டுள்ளார். அதிகாரப் பரவலாக்கல் முறையொன்றுக்காக இலங்கைக்கு உள்ளேயும், வெளியேயும் வாழ்கின்ற தமிழர்களுடன் அரசாங்கம் கலந்துரையாடல்களில் ஈடுபட வேண்டுமென்றும் அவர் சுட்டிக்காட்டியுள்ளார்.
கருத்துகள் இல்லை:
கருத்துரையிடுக