ஜனாதிபதி மஹிந்த ராஜபக்ஷ விரைவில் நியூயோர்க்கிற்கு விஜயம்..!

ஜனாதிபதி மஹிந்த ராஜபக்ஷ இவ்வாரம் நடுப்பகுதியில் நியூயோர்க்கிற்கு விஜயம் செய்கிறார். ஐக்கிய நாடுகள் சபையின் தலைமையகத்தில் நடைபெறவுள்ள ஐ.நா.வின் உச்சி மாநாட்டில் பங்கேற்பதற்காகவே அவர் நியூயோர்க்கிற்கு விஜயம் செய்கிறார். ஐக்கிய நாடுகள் சபையின் உச்சிமாநாடு எதிர்வரும் 20ம் திகதி முதல் 22ம் திகதிவரை நடைபெறவுள்ளது. இந்த மாநாட்டில் ஈ மிலேனியம் அபிவிருத்தி இலக்குகள் தொடர்பில் முக்கிய கவனம் செலுத்தப்படும். ஐக்கிய நாடுகளின் 65வது பொதுச்சபை அமர்வுகள் நாளை 14ம் திகதி ஆரம்பமாகவிருக்கின்றன. எதிர்வரும் 20 திகதி சர்வதேச நாடுகளின் தலைவர்கள் பங்கேற்கும் மாநாடு நடைபெறும் அந்த மாநாட்டில் ஜனாதிபதி மஹிந்த ராஜபக்ஷ உரையாற்றவுள்ளார். அமைச்சர்களின் பொது விவாதங்களுக்கான அமர்வுகள் உச்சிமாநாடு எதிர்வரும் 23ம் திகதி ஆரம்பமாகும். உச்சி மாநாட்டில் ஈ மிலேனியம் அபிவிருத்தி இலக்குகள் எனும் தலைப்பில் மட்டுமல்லாது காலநிலை மாற்றம், உணவு பாதுகாப்பு, பாதிக்கப்பட்ட நாடுகளின் மீளமைப்பு, பாதுகாப்பு சபை மறுசீராக்கல் உள்ளிட்ட பல்வேறு விடயங்கள் தொடர்பில் ஆராயப்படவுள்ளன.