சர்வதேச இந்திய திரைப்பட விருது வழங்கும் விழாவை தமிழ் முன்னணி நடிகர்கள் புறக்கணிப்பு..!

இலங்கை தலைநகர் கொழும்பில் எதிர்வரும் ஜூன் 3ம்தேதி முதல் 5ம்தேதிவரை ஐ.ஐ.எப்.ஏ. எனப்படும் சர்வதேச இந்திய திரைப்பட விருது வழங்கும் விழா நடக்கிறது. இதில் சிறப்பு விருந்தினர்களாக பாலிவுட் நடிகர் அமிதாப் பச்சன் அவரது மகன் அபிஷேக் பச்சன், மருமகள் ஐஸ்வர்யா ராய் உள்ளிட்டோர் கலந்து கொள்கிறார்கள். இந்த விழாவில் பங்கேற்க வருமாறு தமிழின் முன்னணி நாயகர்களுக்கு இலங்கை அரசு சார்பிலும், அமிதாப் பச்சன் சார்பிலும் அழைப்பிதழ் அனுப்பப்பட்டுள்ளதாம். இலங்கையில் விழா என்பதால் அழைப்பிதழை பார்த்து முன்னணி நடிகர்கள் பலரும் அஞ்சுவதாக தெரிகிறது. ரஜினி, கமல்ஹாசன், அஜித், விஜய் என முன்னணி நாயகர்கள் அழைப்பிதழை புறக்கணித்து விட்டதால், இலங்கையும், தமிழ் சினிமாவும் எந்த அளவு பிரிக்க முடியாதது என்பதை உணர்த்த விழாக்குழுவினர், இரண்டாம் கட்ட நடிகர்களுக்கு வலைவீசி வருவதாக தகவல்கள் வெளியாகிவுள்ளன.