ரி.எம்.விபி ஆட்சி நடத்தும் உள்ளுராட்சி மன்றங்களில் நிதிமோசடி இடம்பெறுவதாக குற்றச்சாட்டு..!

பிள்ளையான் தலைமையிலான தமிழ் மக்கள் விடுதலைப்புலிகள் கட்சி ஆட்சி நடத்தி வரும் உள்ளூராட்சி மன்றங்களில் நிதி மற்றும் நிர்வாக மோசடிகள் இடம்பெற்றுள்ளதாக குற்றம் சுமத்தப்படுகிறது. நிதிக்கொடுக்கல் வாங்கல்களில் முறைகேடுகள் அரச வாகன துஷ்பிரயோகம் நியமனங்களில் முறைகேடு என குற்றச்சாட்டுகள் சுமத்தப்பட்டள்ளன. குற்றச்சாட்டுகள் தொடர்பில் விசாரணை நடத்தப்படவுள்ளதாக கிழக்கு மாகாண ஆளுனர் மொஹான் விஜேவிக்ரம தெரிவித்துள்ளார். கடந்த பொதுத்தேர்தலில் ஐக்கிய மக்கள் சுதந்திரக ;கூட்டமைப்பில் போட்டியிடாது தனித்து போட்டியிடத் தீர்மானித்ததன் பின்னர் விசாரணைகள் ஆரம்பிக்கப்பட்டுள்ளன. கிழக்கு மாகாணசபையிலும் முறைகேடுகள் இடம்பெற்றுள்ளதாக குற்றம் சுமத்தப்பட்டுள்ளது. கணனிக்கொள்வனவு தென்கொரியாவிற்கு வேலைவாய்ப்பு வழங்குதல் போன்ற பல்வேறு நடவடிக்கைகளில் முறைகேடுகள் இடம்பெற்றுள்ளதாக தெரிவிக்கப்படுகிறது. கட்சியை கலைத்து ஸ்ரீலங்கா சுதந்திரக் கட்சியில் இணைந்து கொள்ளுமாறு விடுவிக்கப்பட்ட கோரிக்கைக்கு பிள்ளையான் தலைமையிலான தமிழ் மக்கள் விடுதலைப்புலிகள் இணக்கம் தெரிவிக்கவில்லை என்பதும் சுட்டிக்காட்டதக்கது.