அநுராதபுரம் வவுனியா யாழ்ப்பாணம் சிறைச்சாலைகளில் விடுதலைகோரி கைதிகள் உண்ணாவிரதம் !

தம்மை விடுதலை செய்யமாறு கோரி அநுராதபுரம் வவுனியா யாழ்ப்பாணம் சிறைச்சாலைகளில் தடுத்து வைக்கப்பட்டுள்ள தமிழ் அரசியல் கைதிகள் நேற்றுமுதல் சாகும்வரையிலாள உண்ணாவிரதப் போராட்டத்தை ஆரம்பித்துள்ளனர் அநுராதபுரம் சிறைச்சாலையில் தடுத்து வைக்கப்பட்டுள்ள 47பேரும் யாழ்ப்பாணம் சிறைச்சாலையில் தடுத்து வைக்கப்பட்டுள்ள 30பேரும் இந்தப் போராட்டத்தில் குதித்துள்ளதாக தெரிவிக்கப்படுகிறது. யுத்தம் முடிவடைந்துள்ள நிலையில் அரசியல் கைதிகளான தமக்கு பொதுமன்னிப்பு வழங்கி ஜனாதிபதி மஹிந்த ராஜபக்ஷ விடுதலை செய்ய வேண்டும் எனக்கோரியே இவர்கள் உண்ணாவிரதப் போராட்டத்தில் குதித்துள்ளனர். இதேவேளை தடுத்து வைக்கப்பட்டுள்ள அரசியல் கைதிகளை விடுவிக்குமாறு கோரி வவுனியா வைரப்புளியங்குளத்திலுள்ள மனித உரிமைஆணைக்குழு அலுவலகத்திற்கு முன்னால் நாளை வியாழக்கிழமை காலை 9.00மணியளவில் அமைதிப்போராட்டம் இடம்பெறவுள்ளது மனித உரிமை ஆணைக்குழுவிற்கு முன்னால் கூடும் கைதிகளின் பெற்றோர்கள் மற்றும் உறவினர்கள் அமைதிப் பேரணியாக வவுனியா செயலகத்திற்கு சென்று ஜனாதிபதிக்கான மகஜரை மாவட்ட அரசாங்க அதிபரிடம் கையளி;க்கவுள்ளனர்.