3 வள்ளங்களுடன் தமிழக மீனவர்கள் 11 பேர் கைது...!!!!

இலங்கை கடற்பரப்பிற்குள் அத்துமீறி மீன் பிடித்துக் கொண்டிருந்த 11 தமிழக மீனவர்கள் அவர்களது மூன்று படகுகளுடன் நெடுந்தீவு அருகே கைது செய்யப்பட்டுள்ளதாக கடற்படையின் பேச்சாளர் கமாண்டர் கோசல வர்ணகுலசூரிய தெரிவித்தார்.

நேற்று முன்தினம் இரவு தமிழக மீனவர்களின் ஏராளமான படகுகள் நெடுந்தீவு கடற்பரப்பிற்குள் அத்துமீறி நுழைந்து மீன் பிடிப்பதில் ஈடுபட்டிருந்தன. இலங்கை கடற்படையினர் சுற்றிவளைத்து 3 படகுகளை மட்டுமே கைப்பற்றினர்.

அதிலிருந்த 11 மீனவர்களை கைது செய்து காங்கேசன்துறை கடற்படை முகாமுக்கு அழைத்து வந்தனர். தமிழ்நாடு புதுக்கோட்டை, ஜெகதாபட்டினம் பகுதியைச் சேர்ந்த மீனவர்களே இவ்வாறு கைதுசெய்யப்பட்டுள்ளதாக தெரிவிக்கப்படுகிறது.